العوالم الموازية

تخيلوا ان في "انت" في عالم تاني انت مش شايفه ؟

حقيقة انك مش شايفه شئ عادي زي الوقت ...الوقت ماهو إلا بُعد اخر في الكون اللي احنا عايشينه 

إذا ليه مايكونش هناك ابعاد تانية فيها عالم تانية ؟؟

افرض انك اكتئبت فجأة مش غير سبب ... ليه مايكونش انك اكتئبت بسبب حاجة حصلت ليك في احدي العوالم الموازية ؟؟

ليه مايكونش المجرات اللي حوالينا هي عوالم موازية للمجرة بتاعتنا ؟؟

ليه منفرضش ان عالم الاحلام دا واحد من العوالم الموازية للعالم بتاعنا و اننا لما بنام المخ بيلقط التردد اللي يخليه يكتشف بوابة عالم الاحلام دي و يدخلها ؟؟ هتقولولي بس احنا مش كل يوم بنحلم ... هقولك انت مش كل يوم بتدخل العالم الموازي دا
واذا اعتبرنا إن عالم الاحلام عالم موازي يبقي الموت هو كمان عالم موازي و زي ما بتدخل عالم الاحلام بمخك فانت برده بتدخل العالم دا "الموت" بمخك بس بدل ما بتدخله لفترة مؤقتة اللي هي فترة النوم بتدخله و تعيش فيه للابد 
يبقي كده في احتمالية إن احنا محاطين بالعوالم الموازية لينا من غير مانعرف .