مشكلة
الواحد اللي عنده مبدأ بجد يعني مقتنع و مؤمن بيه انه مهما حصل مش هيتخلي عن مبدأه
و دي انا شايفة نقطة سلبية في الثوار بالذات و هما بيتعاملوا مع قوة خانتهم و خانتهم قبل كده زي "حازمون" و موقف الثوار من احداث العباسية ووزارة الدفاع... كالعادة كان الثوار المعتادين علي التواجد في الصفوف الامامية كانوا برده موجودين صف امامي عند وزارة الدفاع
و برده يستمر الحازمون في عندهم و يطبعوا تي شيرتات مكتوب عليها "سنحيا كراماَ" و يسقط حكم العسكر تحتيها و دا يبين ترتيب الأهميات بالنسبة لهم
ابو اسماعين اولاَ و العسكر اسقاطهم مسألة فرعية
ملحوظة : انا مرحتش الاعتصام بس بنقل كلام ناس انا اثق فيهم
لازم يكون سيناريو الثورة الإيرانية مش غايب عن اذهان الثوار اثناء التعامل مع القوي الاسلام السياسي
و كمان لازم يكون سيناريو الثورة الرومانية قصاد العينين و في الاذهان و الثوار بيتعاملوا مع تحركات القوي الحاكمة "المجلس العسكري"اما انا بعد سقوط شهيد اكيد في الاحداث فانا اكيد متضامن مع الاعتصام ...و في فرق بين التضامن و تأييد الاعتصام عشان ابقي واضح و لو قدرت انزل في اي اكشن اكيد هنزل
بس خلاص خلصوا الكلمتين اللي كانوا واقفين في بقي :))
No comments:
Post a Comment