خلااااااص

خلااااص كده .... لامفر .

المشير دا لازم يتعدم ... و مش المشير بس المجلس العسكري كله لازم يتعدم و في التحرير مكان ما الشهدا ماتوا .... و البنات اتعرت .

و لو مش مصدق شوف !!!

دلوقتي جيشنا العظييم اللي كنا في كل سنة في 6 اكتوبر بنستني اليوم دا علشان نشوف الطريق الي ايلات و لا الرصاصة لاتزال في جيبي ... علشان كان نفسنا نعيش اللحظات دي .

بس دلوقتي قدرنا نعيشها ... بس للاسف عشناها بسبب جيش المفروض يحمينا ... جيش المفروض هو اللي بيدافع عنا ... دلوقتي جيشنا العظيم بيجري ورانا في الشوارع و يضربنا بالرصاص .

الفيديو دا و لا هو جيش اسرائيل ضد الفلسطينيين و لا حتي جيش بشار ضد ثوار سوريا .... دا جيش طنطاوي في التحرير و الكلام دا مش بعيد .. دا في الفجر .

كل يوم طنطاوي يموت فينا و اللي مايموتش يعتقل .

لحد امتي هنفضل ساكتين ؟؟؟

خلاص وقت الصمت انتهي ...دلوقتي يا تبقي حر و تنزل تدافع عن كرامتك و ميدانك .... يا تبقي عبد و تبوس جزمة اسيادك . 

يسقط حكم العسكر الخونة ... و الحرية لمصر .. و المجد للشهداء.

لو شوفت الفيديوهات اللي فوق و محستش بحاجة ...

يمكن دا يأثر فيك .

 لو لحد دلوقتي متأثرتش .... تأكد انك مش بني ادم .

.

.

.

.

.

المجد للشهداء ... المجد لشهداء الحرية في كل مكان .

التطرف لا دين له .... بجد

اليومين دول ابتدي يطلق عليا مجومعة من الاسماء في الوسط الكنسي بتاعي ... زي "بتاع التحرير - الثورجي - الواد المجنون بتاع المظاهرات " و في بعض الناس قالت عليا متطرف :O .

طبعا الاسماء اللي موجودة بين "" دي قدمت و اتعودت عليها . 

لكن اللي صعقني بجد هو ان حد يقول عليا متطرف و دا بقي ليه ؟؟

اقولكم انا ليه ... لم حبة ناس تقول لي ان اللي ماتوا في ماسبيرو شهداء و اللي ماتوا في التحرير لاء .

يبقي انا حقا اعترض علي اساس ان اللي ماتوا في ماسبيرو دول ماتوا ايام الامبراطورية الرومانية ماكانت بتموت المسيحيين علشان مجرد انهم مسيحيين .

مش مقتنعين ان اللي ماتوا في التحرير او ماسبيرو زي بعض الاتنين اتقتلوا علشان خرجوا يطلبوا بحقهم .

ندخل بقي علي النقطة التانية ان المسيحيين اللي ماتوا دول شهدا علشان مسيحيين ... ياخي احاااا 

اكتر حاجة بكرها هي نظرية ان دين واحد بس هو اللي هيدخل الجنة المسيحيين مقتنعين انهم بس اللي هيدخلوا و المسلمين بردوا مقتنعين انهم هيدخلوا لوحدهم .

و اذا دورنا اكيد هنلاقي اليهود عندهم نفس النظرية .... "واضح انها مشكلة موجودة مع اتباع الديانات السماوية".

افرض يا اخي طلع نابك علي شونة و لاقيت نفسك مع مسلم ويهودي ... هتعمل ايه هتقف و تقول انا مش داخل الجنة دي انا عاوز واحدة ليا لوحدي ؟؟؟ 

من الاخر ربنا هو اللي هيقرر مين هيدخل .... مش انت "مسيحي - مسلم - يهودي- بوذي -بهائي - اي حاجة". It's in God's hand 

لن انسي لك هذا

بعد معملت 5228 تويتة .... اطعنت في ضهري و من مين من تويتر .

ليه كده بس يا رفيق ..... لحد دلوقتي مش عارف انا زعلتهم في ايه .

بس عملت اكونت جديد ..... بس برده مش هستسلم مع الاكونت الغالي بتاعي .

و احب اقول تويتر : انا صابر صابر صابر.

من الاخر

من الاخر و من غير رغي كتييير علشان زهقت منه .

و قد قالت الناس للمجلس .... تسقط :D "حسين يعقوب ستايل" .

خلاص الناس جابت اخرها من مجلس المعرصين دا .

قدام حصل دم و ناس ماتت يبقي كده تم عبور نقطة اللاعودة .

كلنا كده زي الشطار ننزل و نقول ايه ؟؟؟ 

"يسقط يسقط حكم العسكر .... المجلس لازم يمشي ... واللي بيحب الشتيمة ممكن يقول ك*** يا مشير "

حتي لو مش تقف في الصفوف الامامية و بتقاتل ... انزل حتحس باحساس انك مصري بجد مجرد من كل الاشياء التانية لا تحمل غير مصريتك و بتدافع عنها ... ساعد باللي تقدر تعمله انزل و اكيد هتلاقي نفسك ساعدت في الاخر . 

انزل علشان تقدر تعيش حر ..... 

It was just a DREAM

I have no idea right now .... i even don't why i open this post ... i don't feel anything to write about
I'm sinking ... what you are thinking about ?? :D (those lines just 2 start :D  )

I'm listening to Sinatra's songs & wishing to get a glass of scotch or any kind of whiskey i could get and just lay down on the floor and relax doing nothing  .

just imagine what u gonna feel while u doing this ??

what u gonna dream about .... yourself & what u wanna be ? or some dream about a girl or imagining yourself like living in a movie .

the imagination is something really great .... it can take u 2 anyplace u want ... can make u be whatever u want .

without imagination I'm sure that this world wouldn't be good as it looks right now .

NEVER STOP DREAMING 

ALWAYS IMAGINE but DON"T U EVER loss ur reality.

رغي قديم

مش هرغي كتير انا مليش مزاج اعمل حاجة بس كلمتين حاسس اني لازم اقولهم .

مش كل منطلع مسيرة و الناس تحس ان في حاجة حد يطلع يقول علي الميدان .

خلاص الميدان كارت و اتحرق .

اننا نقدر نوصل بالمسيرة للهدف بتاعها دا معناه اننا كسبنا ارض مش المفروض اننا نفرط فيها .

لازم نحافظ علي كل حتة بنقدر نوصلها و الا كمان شوية حتي الميدان مش هنلاقيه .

مفيش عنوان ... مجرد تاريخ 21/10/2011

الحياة دي شئ غريب .... اوقات تحسسك انها رائعة متقدرش تستغني عنها حلوة و جميلة من الاخر لونها بمبي علي رأي سعاد حسني .

و ساعات بتخليك ... ولا انت طايق نفسك ولا طايق اللي حواليك .

معرفش إذا كان دا بيحصل معايا انا بس و لا دا الطبيعي مع الناس او مجرد علشان انا انسان مودي متقلب ... بس اللي انا متأكد منه انه لما تعيش يوم رائع لازم تحس بالاكتئاب بعديه .

كأن الحياة بتحب تعاقب الواحد علي يوم لذيذ قضاه او خروجة حلوة او فسحة ظريفة او قعدة خفيفة .

بحس اني كئيب اوووي اليومين دول ... يمكن دي مجرد حالة عامة في المجتمع دلوقتي ... او حالة خاصة علشان الواحد دلوقتي عايش من غير هدف او غاية نفسه يحققها .

و لحد مايبقي عندي حلم نفسي احققه .... هحاول اكون متفائل ... و افرد جناحي و اطير في السما .

الرستافاري

هي حركة دينية قامت في الاساس في افريقيا في اثيوبيا و قامت علشان تحارب سيطرة الانسان الابيض .

معتنقي الرستا بيعبدوا جاه - Jah .

اللي عملها في الاساس امبراطور اثيوبي اسمه هيلا سيلاسي الاول - Haile Selassie I .

و بما انها مشتقة من المسيحية فهما بيأمنوا بالمسيح بس برده بيأمنوا ان تعاليمه فسدت بعد سيطرة الانسان الابيض عليها .

بالنسبة لهم الجنة او الفردوس هي "صهيون - Zion" مش اللي في فلسطين ... المدينة الفاضلة الموجودة في اثيوبيا بما انها المكان اللي خرجت منه البشرية ... و ادام في جنة لازم يبقي في نار اللي هي "بابل - Babylon " و دا اللي بيمثله العالم الغربي الحديث واكتر حاجة بتبين دا الشعار بتاعهم اللي بيتكون من الاحمر بيمثل لون الدم و الاصفر بيمثل الصخور و الاحجار الكريمة و الدهب و الاخضر بيمثل الارض و اسد صهيون و بينضملهم اللون الاسود اللي بيمثل افريقيا علشان دي تبقي الالوان الاساسية ليهم .

يمكن اهم حاجة بتميزهم شعرهم ...

و طبعا تدخين الماريجوانا "حشيش" 

و طبعا من اشهر الرستافارين في العالم بوب مارلي

و مقرها الاساسي اثيوبيا و جاميكا دا غير انتشارها في بلاد كتير زي اليابان و الولايات المتحدة والسودان و مالي و كوت دي فوار و الكاميرون .

البوذية

طبعا ناس كتير سمعوا عنها . 

انا قلت ابدأ بيها علشان مشهورة .

البوذية هي مجموعة من التعاليم او المبادئ اللي عملها واحد اسمه سيدهاترا جواتاما- Siddharta Gautama اللي اصبح بوذا او بودا -Buddha .

و تقوم البوذية علي 4 مبادئ اساسية اسمهم الحقائق النبيلة الاربعة:

1. ان الحياة اساسها المعاناة "هذه هي الحقيقة النبيلة عن المعاناة : الولادة هي معاناة، والشيخوخة هي معاناة، والمرض هو معاناة، والموت هو معاناة؛ الحزن ، والرثاء والألم والأسف واليأس هي معاناة؛ الاتحاد مع ما هو محزن هي معاناة؛ الانفصال عن ما هو مرضي هو معاناة، عدم الحصول على ما يريد المرء هي معاناة"
2. اصل المعاناة "هذه هي الحقيقة النبيلة عن أصل المعاناة : إنه الحنين زيؤدي إلى تجدد الوجود، يرافقه البهجة والشهوة، السعي إلى الفرحة هنا وهناك هي أيضا كذلك، الشغف للمتع الحسية، الحنين للوجود، التوق للخلود "
3. بعد كده وضح ايه اللي يوقف المعاناة"هذه هي الحقيقة النبيلة عن وقف المعاناة : هي تتلاشى بعيدا دون عودة عند وقف الأعمال التي تشغف النفس، والتخلي والتنازل عن ذلك، والتحرر من ذلك، وعدم الاعتماد على ذلك"
4. بعد كده وضح الطريق اللي لازم الواحد يمشيه علشان يوقف معاناته الانسانية"هذه هي الحقيقة النبيلة عن الطريقة التي تؤدي إلى وقف المعاناة : الطريق النبيل الثماني، والذي هو النظر السليم، النية السليمة، الكلمة السليمة، العمل السليم، كسب الرزق السليم، الجهد السليم ، الذهن السليم، التركيز السليم"

يمكن اهم مفهوم من المفاهيم البوذية هو الكارما و الكارما ببساطة هي الفعل و رد الفعل ... انت عملت حاجة حلوة هتتردلك حلوة ... انت عملت حاجة بنت كلب هترجع الحاجة دي تعوضك .. نفس مفهوم الشتيمة تلف و ترجع لصاحبها بس في الكارما الشتيمة بتلف و المجاملة بتلف برده.

الهدف من المتعبد البوذي و الرهبان البوذين هو الوصول لمرحلة النيرفانا انت تقدر تتحرر من الكارما و المفروض ان محدش بيوصل للنيرفانا الا الرهبان بس زي دا... او ريتشارد جير D:

و بتتكثف البوذية في شمال شرق آسيامن اول الهند لحد اليابان .

و دا لينك للبوذية علي ويكيبديا ...هتلاقوا كلام كتير مقتبس او متشابه لإني مجرد لخصت الكلام اللي عاوز يقرأ اكتر يدور هو بقي :)).

امبارح كان عمري عشرين

امبارح انا بجد كان عمري 20 

امبارح كان عيد ميلادي و خلصت العشرين .

و طبعا زي اي يوم عدا عادي باستثناء حبيت wall posts علي الفيس و كام تليفون من العيلة و الاصدقاء بالظبط 3 علشان مبالغش :)).

و كالعادة حالة القرف من اليوم دا زي كل سنة برده ايه المميز في ان اليوم دا يكون يوم ما الواحد يتولد . دا عته دا اليوم اللي المفروض الواحد يحزن علشان جه الدنيا بنت الوسخة دي .

دا اليوم اللي الواحد بتبدأ فيه رحلة المعاناة و المأسي .

علشان كده احب اقول Fuck Birthdays i hate it .
و علشان متكتأبوش و تلعنوا اليوم اللي قرأتم الpost دا فقررت اسيبكوا مع اغنية الكينج منير - امبارح كان عمري  20 واعتبروها هدية مني بمناسبة عيد ميلادي ليكوا :) .

ودا لينك لو مشتغلش الفيديو" امبارح كان عمري عشرين - الكينج"

Fuck SCAF

مش عارف اكتب عن ايه ؟؟

عن عيد ميلادي اللي بعد كام يوم وكالعادة بتحصل حاجة تخليه عيد كئيب زي كل سنة لدرجة اني بكره اليوم دا .

ولا اللي حصل في ماسبيرو مع ان الناس كلها اكيد اتكلمت فيه.

انا مش هطول و ارغي كتير.

كل اللي بيحصل في مصر من مصايب ملهوش غير حل واحد ان كل المصريين مهما كانت الديانة بتاعتهم مسلم مسيحي بوذي ملحد حتي لو قاعد في الحمام بيصلي للمية يتعاملوا علي اساس واحد انهم مصريين وعلشان تتحقق الدولة دي اللي في كتير بيحلموا بيها ... لازم المجلس العسكري المعرص دا يمشي و يتحاسب علي كل حاجة عملها من ساعة مامسك البلد بعد ما حسني اتخلع و دا مش هيحصل غير لما كل المصريين ينزلوا الشوارع و يخلعوه زي ما خلعوا مبارك .

علي راي الالتراس هنروح ونقول مين ضباطنا معرصين "عندهم حق" المجلس علي فكرة اغلبه رتب فريق يعني معرصين مأصلين .

طب ايييييييه ؟؟

دلوقتي انا في مرحلة اللي هي بين الأمل في أن الثورة ممكن تنجح و اليأس في أن العسكر هيكلوها و هيكلونا معاها.

دلوقتي أنا اعتقد أن مفيش حل غير أن المجلس السمكري دا يمشي ....علي رأي عمرو دياب لا يوجد حل آخر.

من الاخر هو اللي معطل كل حاجة .

بس يمشي ازاي و هو عارف تنه لو مشي هيتجرجر في المحاكم و يتقلب في دفاتره القديمة.

من الاخر الاخ المشين كان بقاله مع حسحس 12 سنة وزير الحرب بتاعه يعني دراعه اليمين يعني اي حتة سلاح تدخل او تخرج لازم المشين يكزن عارف بيها .

و هم الحاج عنان كان في امريكا و دي مش بيروحها غير الحبايب و الحبايب بس اي حد تاني يروح كخ.

عاوزينها بعد كل ده الثورة تنجح ..... يأخي احاااا.

علشان كده انا نازل بكرة التحرير و هاروح اتظاهر عند وزارة الدفاع علشان أنا لسة عندي حبة أمل أننا ممكن نبقي حاجة كبييييرة أوي .

بس مش هنبقي غير لما نبني علي نضيف و نشيل الرمم و الزبالة الاول .

ارضي بالنصيب

"أرضي بالنصيب"

واحدة من الجمل اللي بكرها كره العمي .

مجرد جملة استسلامية علشان الواحد يبطل يكافح للي هو عايزه.

أنا انسان متمرد مش هرضي باللي انا مختارتوش و مبحبوش . 

أنا اللي هقرر أنا هبقي إيه مش نظام فاشل او بعض الخيارات السيئة او اني احقق رغبات حد تاني فيا.

من النهاردة انا حقق أنا مش حد تاني .

أنا مش حد تاني أنا هو أنا ....علشان انجح لازم اعمل اللي بحبه أنا.

في جملة قرأتها في كتاب شاب كشك لعمرو سلامة "اذا لم تعمل ما تحب .... فحاول مرة اخري" انا مش متذكر النص اذا كان صحيح او لا لكن ((متأكد)) من المضمون. 

علشان كده انا هعمل اللي اقدر عليه علشان اعمل ما احب ....

سلسلة من الفشل

الفشل هو إنك متوصلش للهدف بتاعك .

إذا كان دا هو تعريف الفشل ....فانا بمر بفترة مش من الفشل لكن بسلسلة من الفشل .

و بما أني مش بؤمن بسوء الحظ ...فالفشل بيجي عن طريق الاختيارات الغلط .

زيي كده .... اعتقد ان السلسلة ابتدت في تانية ثانوي (زي ما بتبتدي مع اي طالب في مصر)بتكون محدد مجموع معين بتطمح ليه ....في الأخر ولا بتشوفه في حالتي انا قلت اه يمكن علشان انا مكنتش باخد دروس خصوصية غير في مادة واحدة (لأني معترض عليها مش المادة ..الدروس) فجبت مجموع مش اللي في دماغي وطبعا صدمت و حسيت بالفشل لمدة و بما أني كنت علمي فحاولوا يقنعوني اني أحول لادبي .... وطبعا انا اصريت و فضلت علمي و قلت بقي اخد دروس يمكن اقدر اوصل للمجموع اللي يوصلني للي عاوزه بس للاسف المرة دي اقدر اقول انه الحظ اللعين اللي خزوقني في المواد "طبعا كله فاكر امتحان التفاضل اللي محدش عرف يحله و امتحان الفيزياء اللي فشخ العيال" انا بقي كنت الدفعة دي .

قلت خلاص قشطة اي جامعة اطلع بالشهادة بتاعتها و اتفرغ للي نفسي فيه من زمان .

but life really like missing with me

هوب سنة اولي في الجامعة تخلص و الاقي نفسي بعيدها ... قلت ماشي لسة بقي طالع من ثانوي جديد و مش واخد علي امتحانات الكلية .

واعيد سنة اولي و اطلع بمادتين كنت شايلهم قبل كده "احااااا بقي دا كده كتييير".

قلت خلاص سنة تانية لازم اعديها من اول مرة ....هوب اروح لابس اول ترم 4 مواد O_o .

WTF????

بس مكنتش لسه فقدت الامل كان عندي مادة لسة مش عارف نتيجها و مادة هتترفع و مادة لو طلعت صافي هتترفع ...قلت بس لازم اذاكر علشان انجح في المادتين بتوع اولي و ال7 مواد  بتوع تانية .

هوووووب البس مادتين تانيين لتستمر سلسلة الفشل الي هذه اللحظة .... i'm just lost hope :((

لحد دلوقتي بحاول استفيد من الفشل دا بس للاسف لما بتبقي وسط المعمعة مش بتقدر تفكر بعقل صافي .

فقلت اكتب علشان لما يبقي عقلي صافي اقدر ارجع و افتكر و افكر . 

الزلزال

من اول شهر سبتمبر ما ابتدي وكل اللي اكل دماغ الناس هو الزلزال اللعين و المذنب الطائر المتجه الي كوكبنا الازرق .....

قال يعني خلاص انهاردة هو اخر يوم في حياة معظم البشر إن لم يكن في تاريخ الأرض نفسها .

انا نفسي لعرف مين الراجل التيييييت اللي قال ان في دين ام زلزال انهاردة....احاااا حتي لو في زلزال سيب الناس علي عماها ومتعملعاش حالة الفزع دي =((

وبعدين اذا كان هو هيدمر الارض كلها بتقول ليه ماهو كله كده كده هيروح في الزلزال...يبقي ايه لزمته بقي نعرف علي اساس هنروح القمر ولا المريخ؟؟؟؟

و بعدين احااا يعني هو الزلزال يجي يموتني و انا لسة شاب فيرجين ..... دا حتي يبقي حرااااام D=

علشان كده متخافوش ولا انا هموت فيرجين "i wish" ولا الزلزال هيجي انهاردة . 

تقدروا تناموا او تخرجوا او تشوفوا اخبار الزلزال اللي شغال في التلفزيون .... D=

see ya after the earthquake =D

‫بيان رقم (26) لثورة الغضب المصرية الثانية‬

‫بيان رقم (26) لثورة الغضب المصرية الثانية

‬

9/9 و سلملي علي المجلس

طبعا اكيد مصر كلها سمعت عن مليونية بتاعت يوم 9

وطبعا كالعادة في المؤيدين بشدة و المعترضين بقوة و اللي لسة محددش موقفه .

وطبعا من العنوان باين انا موقفي ايه ...طبعا مؤيد و نازل.

انا بس نفسي اعرف اللي معترض اوووي ده واللي بيقول المجلس خط احمر و بنفسجي و المجلس "حما"الثورة يعني انتوا بس اللي شايفين بس الكلام دا ؟؟

طبعا هتقلولي مانت برده مش شايف ان المجلس عمل اي حاجة وانت فاكر انك صح وباقي الناس غلط.

اقولك تعالي نشوف المجلس عمل ايه و معملش ايه 

المجلس مسك الحكم يوم 12 فبراير يوم 14 فبراير الشرطة العسكرية طوقت الميدان وطالبت باخلاءه وطبعا شفيق بونبون كان لسة قاعد و يوم 22 فبراير الناس نزلت تاني علشان تمشيه و اتنفضلهم راح الناس نزلوا تاني يوم 25 علشان شفيق و بونبون برده فضل قاعد و شفيق مشي و شرف جه و الناس حست ان المجلس معاهم وكده سيبوكم من حبيت الاحداث اللي في النص و خلينا نركز علي الاستفتاء بتاع 19/3 .

طبعا ثورة يعني النظام سقط يعني الدستور يتلغي تلقائي و يتعمل واحد جديد .

جه عم المجلس وعمله حبتين وبتاع و قالك هنعمل "تعديلات دستورية " يعم الحاج مينفش يرضيك يهديك و تصادف انها نفس التعديلات اللي قالها حسحس مش فاكر في انهي رغي من اللي كان بيقوله الخطاب الاول او التاني كده يعني .

مش مهم المهم الناس عملت الاستفتاء وجت النتيجة بتاعت 77 في المية للاستقرار والمجلس و الدين وكله و بتاع كده.

و هووووب راح مخزوق دول و طلع اعلان دستوري و خلي الناس كلهم يضربوا دماغهم في الحيط .

و بعد كده ابتدي بقي يفضي للثوار او المتظاهرين مش مهم التسمية ايه علشان هو سماهم حاجة تانية خالص ....سماهم "بلطجية" واي حد يمسكوا في مظاهرة ولا في اي ميدان يقولك بلطجية و طبعا الناس فرحانة انه بيقبض علي البلطجية بس المشكلة انه مكنش بيقبض علي البلطجية .... هو بس كان بيسيب الناس والبلطجية الحقيقيين يضربوا بعد بالرصاص و الملوتوف و ينفخوا بعض و بعد كده يجوا بعد ميكون مات من 1-4 شخص و طبعا كله الكهربا و العصيان اللي بيلموا بيها الناس . وطبعا في حاجات تانية كتيييييييير بس انا ايديا و جعتني من الطباعة علشان كده هاختصر و اقول انا نازل ليه :

بسم الله الرحمن الرحيم

بيان رقم (24)

 لثورة الغضب المصرية الثانية

في ظل ما تشهده الثورة من تراجع و إلهاء للشعب عن مستقبل بلاده و عن شكل الحياة السياسية الديموقراطية بها و تكريس للحكم العسكري وأيضا إعمال لمحاكماته ضد الثوار وعليه فإن ثورة الغضب المصرية الثانية تدعو الى التظاهر يوم التاسع من سبتمبر 2011 في ميدان التحرير و مختلف ميادين التحرير في ربوع البلاد كما تدعو القوى السياسية بشتى اختلافاتها إلى التوحد و نبذ دواعي الفرقة و الإختلاف و الإلتفات الى مصلحة الوطن و تأجيل نقاط الخلاف لحين اكتمال الثورة و لحين انتزاع الحقوق الآتية:

   1-الوقف الفوري للمحاكمات العسكرية للمدنيين و إعادة محاكمة من صدر ضدهم أحكام عسكرية من المدنيين أمام قاضييهم الطبيعي لأنها باتت تستخدم ضد الثوار بينما يعيث البلطجية في الأرض الفساد و في ظل ظهور بعض الإتهامات الجديدة مثل الإساءة للمشير و الإساءة للمجلس العسكري بما يتنافى مع مبدأ تقبل الحاكم للنقد بمختلف درجاته وأن هذه التهم المستحدثه تثبت عدم صدق ما ورد في رسالة رقم (68) للمجلس العسكري من أن المحاكمات العسكرية هي للبلطجية فقط و ليست لشباب الثورة أو لأصحاب الرأي و الفكر.

2-التأكيد على حقي التظاهر و الإعتصام المنتزعين كأحد أهم نتائج الثورة و أن اغتصاب هذا الحق يعد قمعا للثورة و الثوار و تعديا على مكتسباتها و عودة لسياسة تكميم الأفواه المتبعة في العصر البائد و هو ما يحدث بإستمرار منذ فض اعتصام التحرير في غرة الشهر المعظم و استمرار التواجد الأمني المكثف و المستمر بميدان التحرير بما يتنافى مع ما ورد في الرسالة رقم (68) للمجلس العسكري من كفالة هذه الحقوق وسط صمت مطبق من القوى السياسية المختلفة و الذي لا يخلوا من بعض الإدانات و الشجب الشكلي في أغلب الأحيان.    

3-إنهاء الحكم العسكري للبلاد و تسليم السلطة وذلك استنادا الى انتهاء مهلة ال 6 أشهر التي منحها المجلس العسكري لنفسه وذلك بعد أن أصبح الحكم العسكري أداة تفتك بالثوار وآلة لمحاكمتهم عسكريا و تكميم أفواههم وتشتيت شملهم وآلة لقمع الثورة و تحويلها من ثورة الى حركة إصلاحية وإحباط الروح المعنوية للثوار والشعب على حد سواء و منع التظاهرالسلمي و رفض النقد وزعم احتكار الوطنية،كما تعمد ترك أحوال البلاد المعيشية و الاقتصادية تؤول من سئ لأسوأ بغرض تحميل هذه الأعباء للثورة بينما يتخلى الحكم العسكري عن مسؤولياته تجاهها.

وعليه فإننا ندعو القوى السياسية بمختلف توجهاتها و طوائفها و انتماءتها و مختلف طوائف الشعب إلى التوحد و نبذ الخلافات و دواعي الفرقة و تأجيل الخلافات لحين الانتهاء من المطالب الاساسية للثورة و النزول الى ميادين التحرير تحت رايات الإجماع دون غيرها وأن يكون التظاهر بعيدا عن قضايا الخلاف.

كما تؤكد ثورة الغضب المصرية الثانية على ان سوء الأحوال المعيشية و الغلاء و ارتفاع الأسعار هو نتاج تقاعس مديري شئون البلاد عن تحقيق مطالب الثورة والتباطؤ في تحقيقها إلا تحت الضغط الشعبي الهائل و أن عدم وصول نتائج الثورة الى جميع طبقات المجتمع ، الفقيرة منها قبل الميسورة هو مسئولية مديري شئون البلاد وحدهم دون غيرهم و أن تحميل هذه الأعباء للثورة إنما هو من مكر أعداء الثورة لفض جموع البسطاء عنها.

الثورة أولا

لو الاسباب دي مش كفاية انا مش عارف ايه اللي يخلينا ننزل .

بيييييييس

Life Is Suffering

زي ما العنوان بيقول كده الحياة معاناة .

الأنسان مولود علشان يعاني ... ويفضل يعاني لحد ما يموت .

الطفل بيتولد بمعاناة و يكبر حبة علشان يتعلم يعمل حاجة لازم يعاني حاجة مثلا زي المشي علشان يتعلمها لازم يعاني و هو بيحبي و يعاني وهو بيخطي ويتبهدل و ممكن كمان ينجرح كل ده علشن بس يتعلم كيفية الانتقال من مكان لأخر .

علشان تحصل علي اي حاجة لازم تعاني زي ما تكون قاعدة"عندك هدف لازم تعاني " "You Have A Goal ,You must suffer"

شوف ابسط حاجة ايه نفسك تجبها لازم تلاقي فيها تعب "احدي انواع المعاناة"

عاوز تجيب سندوتش .... لازم تغير هدومك و تنزل و تمشي وتروح و تدفع وتاخد و تاكل وتروح و ممكن بعد كل ده مايعجبكش السندوتش و تبقي ندمت انك اشتريته.

علشان تتعلم لازم تعاني "معاناة مفيش زيها اتنين غير هنا بس (مصرنا الحبيبة)".

اي نوع معاناة نفسك تشوفه اكيد هتعدي عليه في المدراس اي نوع .

و علشان تعيش زي ما انت عايز لازم تعاني المعاناة شئ ضروري في الحياة .

من دون المعاناة معتقدش ان الحياة يكون ليها طعم او معني .

"المعاناة هي طعم الحياة"

مش عارف انا بكتب ليه ؟؟؟

يمكن علشان انا مش بتكلم كتير و عاوز اعبر عن نفسي ؟؟ يمكن.

او يمكن علشان انا بحب الكتابة ؟؟ يمكن بردو.

او انا بكتب علشان عارف ان محدش بيقرا اللي بكتبه علشان كده بكتب براحتي :] :]

يسقط يسقط حكم العسكر

طبعا الحمدلله رجعت من التحرير .

طبعا مش كل ده كنت في التحرير D: .... بس للأسف منظر العسكر و هم "بيحموا" الصينية في الميدان متقولش كنز علي بابا فيها و لا كنوز سليمان ؟؟؟

و بعد الاستهبال اللي عمله مع اسماء محفوظ و انها تحال للنيابة العسكرية علشان كتبت "تغريدة" تويتة علي الاكونت بتاعها انا متفق معاها فيها تماما تحال بسببها للنيابة العسكرية دا يبقي اسمه استهبال بالعبيط .

خلاص المجلس العسكري سايب كل حاجة في البلد و راشق لنا علي Twitter & Facebook .

انا من اول يوم مكنتش مؤمن بالموضوع دا وهو ان الحكم القادم هو حكم العسكر بس للأسف كل المؤشرات تدل علي ذلك .

كل اللي شايفه دلوقتي هو سيناريو "ثورة يوليو".

و الواضح ان مش انا الوحيد اللي شايف كده ناس كتير شايفين كده .

شايفين ان"المشير = محمد نجيب 

    سامي عنان = جمال عبد الناصر "في اعتقادي احسن  رئيس لمصر"

 المجلس العسكري = مجلس قيادة الثورة"

مقتبسة من Note للشاعر مايكل عادل .

و طبعا لا يخلي الموقف من بعض المحاكمات لبعض العناصر من 6 ابريل و الاخوان و اعدام كام سلفي .

و طبعا حل كل الاحزاب من جميع انواعها .....و ابقي سلملي علي الثورة .

علشان كده انا برجو رجاء خاص ان كل إنسان ي(ت)قرأ

هذا البلوج انه ينزل يوم 9/9 علشان كلنا نقول للمجلس العسكري "لا".

الجمعة 12/8/2011

مش عارف ليه عندي احساس عميييييق إنها حتكون فشيخة للي هينزلها .

لحد الوقت الحالي انا في حيرة انزل واللي يحصل يحصل ولا منزلش ؟؟

حاسس انها هتكون النهاية .... يا نهاية حياتي انا 

يا نهاية البصيص الاخير من الامل اللي مخليني مؤمن بأن الثورة لسة في احتمال إنها تنجح (في المشمش).

وبعدين نفسي افهم النقطة دي هو ليه المجلس العسكري الامور اللذوذ اللي الشعب بيموت فيه ، الثوار بيحبوه زي مبارط بالظبط ويمكن اكتر سايب تنظيم القاعدة يبرطع في العريش و سيناء .

ولا هو بس فالح انه ينزل الصاعقة و قوات 777 علشان يضربوا ويكهربوا الناس في التحرير ويحتلوا الميدان واي تجمع يتنفخ ويتطلع ميتين امه ويتحبس .

بكرة مافيش غير حلين يا العسكر ينفشخونا و تترحموا علينا و تزورونا في س 28 "بقي اشهر من نار علي علم دلوقتي حد يقولي مش عارفينه علشان كده ماجيناش هخلي اشرف يعمل معاه السليمة و يمسكوا السلك " يا احنا نعمل معاهم السليمة و نفشخهم و نسترد الميدان من الاحتلال العسكري .

لو فضلت عايش او مش في س 28 هتكتب تاني "مع إن مش حد بيقرأ اللي بكتبوا بس whatever يعني ".

Byeee Ya Gangs .

الغازية لازم تمشي

علي وزن هذه المقولة احب اقول ان المشير لااااازم يمشي و مش المشير بس والمجلس الاعلي كله بالوزارة بتاعت عصام شرف.

خلااااص كفاية كده اووي اخدوا الفترة اللي هم قالوا انهم هيقعدوها ومنفعش يسبونا احنا بقي نتصرف علي طريقتنا .

طبعا الجمعة بتاعت امبارح كان الشعار الرئيسي هو يسقط المشير .

خلاص بانت لبته ونيته المحاكمات اتأجلت لحد اخر السنة

و محدش عارف اذا كان الانتخابات الاول ولا الدستور الاول .

ومافيش اي حاجة باينة خالص و مافيش غير حل واحد ان الشعب هو اللي ينفذ اللي هو عاوزه بنفسه .

لقد حان الوقت لكي يحكم الشعب لا مزيد من هولاء الاشخاص المتجاهلين لارادته .

وسيظل الشعب و يفني الحكام .

يوم 1/7

اليوم دا واحد من اروع الايام في حياتي 

طبعا هتسألوني ليييييه؟؟؟

اليوم دا كان المفروض انه مليونية من مليونيات التحرير ...... حصل حبت حاجات كده الايام اللي قبلها علشان كده تمت الدعوة للمليونية دي .

مش هاخوض في الاسباب وخلينا في اليوم.

طبعا نزلت عديت علي الاصدقاء و طبعا عارف انه كالعادة هنزل لوحدي زي كل مرة.

و فضلت اتجول شوية في الميدان لحد ما طبعا لاقيت رامي عصام فضلت اسمعه شوية مع انه مكانش حلو اليوم دا بسبب الميك و الناس السخبفة اللي كل شوية يتنططوا قصادوا علشان ميغنيش .

بعدها بحبة بتجول لاقيت تميم البرغوثي طبعا مشيت حبة جنبه علشان اقدر اسلم عليه وسلمت عليه وبعديها لاقيت نفسي في المسيرة الي مجلس الوزراء .

بالنسبة لي دي اول مسيرة اعملها و كانت خرافة مشيت شوية فيها لاقيت طارق شلبي اللي ميعرفوش دا المذيع اللي كان بقدم برنامج كونكت علي او تي في .

و بما اني شخصيا معجب بيه قولت امشي جنبه :] .

و مشيت علي اني اقدر اكلمه بس بصراحة اندمجت في المسيرة اول ما ابتدي هتاف "داخلية...بلطجية" الهتاف دا اول متقأل كل المسيرة قالتوا كان خرافة مع التصفيق تقدروا تقولوا انه كان شعار اليوم و الملخص للاحداث اللي حصلت .

وفضلنا مشييين لحد موصلنا و وقفنا شوية و لفنا و رجعنا للميدان .

وانا كملت تجوال لحد ما روحت.

اشوفكم يوم 8/7 وابقي احكيلكم عليه بقي .

باااااااااي :]

I Wanna Go Crazy

As I said :I wanna go crazy .
every day is the same wake up.... go to shit .... do what u do every fuck'n day & u have this fell'n that u keep doing this for the rest of ur live "don't mean the shit part " .
we live'n in freak'n circle .... our life is a miss big miss .
every day is the same routine ..... i hate the routine what the point of it ??? 
all what i need is take time just for me in attempt to enjoy the life .
dawson said : people says life & death as they the opposite of each other but the opposite of death is birth ..... life has no opposite .
if life hasn't an opposite it must be one of kind and must enjoy every second of your life .
the road of happiness is enjoying your life .
that is what i'm try'n to do for that must live your life on the edge .
live like there isn't gonna be another day .

8 يوليو

اليوم دا هيكون أول مظاهرة مليونية بعد يوم 27 مايو .

مليونية 27 مايو كانت بالنسبة جمعة مصيرية المفروض اني هنزل الميدان و الاخوان معارضين و الجيش ناوي يسيب الميدان .

دا غير بقي الاشاعات بلطجية هيضربوا و الجيش هيضرب والاخوان هيضربوا .

انا بصراحة كنت نازل اضرب و قلت بس بما اني منزلتش 25 يناير يبقي انزل المعركة دي .

دا غير بقي التحذيرات و الانذارات من الوالد و بلاش تنزل الجيش هيضرب وبلاش تنزل البلطجية هتضرب و هكذا.

انا قلت نازل لاجعت اهلا وسهلا مارجعتش اهلا بس [:

بالنسبة لي يوم 8 يوليو هو اليوم يأما الثورة هتتقلب و ترجع للمسار بتاعها يأما خسرنا الثورة.

وهي دي المطالب 

1- حد ادنى للأجور 1200 جنيه ، وحد اقصى للأجور ، مع مراقبة الاسعار حتى تتوافق مع محدودى الدخل.

2-المحاكمات العلنية والسريعة لمبارك واولاده ووزراءه وحاشيته الفاسدة ، وكل من افسدوا علينا الحياة السياسية.

3-تكريم الشهداء وتعويض اهالى الشهداء ، وسرعة محاكمة قتلة الشهداء .

4-تكريم المصابين ، وعلاجهم على نفقة الدولة ، وتعويضهم.

5-حرمان أعضاء الحزب الوطني السابق من حق الممارسة السياسية لمدة 5 سنوات على الأقل وتفعيل قانون الغدر.

6-الافراج الفورى و التام عن كل المعتقلين السياسيين واصحاب الرأي من يوم 25 يناير وما قبلها الى يومنا هذا .

7- الوقف الفوري للمحاكمات العسكرية للمدنيين ، واعادة محاكمة من تم محاكمتهم عسكريا من المدنيين امام محاكم مدنية .

8-التطهير الشامل لكل مؤسسات الدولة و يشمل كل من :

• تطهير جهاز الشرطة من كل القيادات السابقة فى عهد حبيب العدلى ، و حل جهاز الامن الوطنى ( امن الدولة سابقا )         

• تطهير القضاء المصرى ، والنيابات العامة ، واقالة النائب العام الحالى

• تطهير الاعلام تطهيرا كاملا و تقديم ضمانات لإستقلاله

•  حل المجالس المحلية جميعها ، واختيار المحافظين بالإنتخاب على ان يكونوا مدنيين ، وليسوا رجال شرطة او جيش سابقين ضمانا لمدنية الدولة و نظرا لمدنية المنصب

•  تطهير الجامعات من عمداء ووكلاء أمن الدولة ، و البنوك وباقى مؤسسات الدولة جميعا  و على رأسها الحكومة من كل الفاسدين وخاصة من ينتمون الى الحزب الوطني المنحل الفاسد و أعضاء لجنة السياسات.

9-الإفصاح عن خطط مدعومة بجداول زمنية للقضاء على البطالة ومشكلة إسكان الشباب و أننا على يقين العلم بأن هذا المطلب يحتاج المزيد من الوقت لتحقيقه و لكن نريد التيقن من وجود الإرادة السياسية لذلك

ولحد كده برده في ناس معترضة يعني الناس شالوا مطلب الدستور علشان الكل ينزل وبرده لسه بيخاونهم.

علشان كده لازم المليونية دي تنجح.

Lost My Self ??

Why i lost my self ???
this a question I need to answer .... my mother told that I lost my self because i get away from God .
Why anything happened bad happens people told you that happened because you far from your God or that your God is punishing me. 
maybe I lost my self because I lost my goal in life & lost even my life .
it just like walking without your soul that also because I far from God maybe if you believe God but I'm a little shaking about this subject and the concept of God ..... is he just a higher power
or someone in somewhere in the universe looking at us & watching & laughing like you watch some movie or spy on some ants at your home .
Who is God ? some alien from the outer space looking like E.T .
or some one sitting in the clouds like Zeus the greek  god .
or some one like in Jesus pictures . 
when some one know who is god would please right and tell me .

تخاريف فترة امتحانات

 في هذه الفترة العصيبة بيجي الاحساس بالملل و الزهق والكآبة عادي يعني زي كل الطلبة في مصر و يسلام لو انت في كلية مش مستحملها زي كده مثلا و كل يوم وانت بتصحي من النوم تعد تسب وتلعن في اليوم اللي  دخلتها .

بيجليك الاحساس بتاع كلها محصلة بعدها و مبقيتش فرقة سيناء من سونيا او fuck this & fuck the collage & hell with the exams .

انا طول عمري وانا مقتنع ان نظام التعليم في مصرنا الحبيبة نظام تعليم فاشل بكل معني كلمة فاشل وامنية حياتي ان في يوم اسمع ان مكتب التنسيق اتلغي و ان كل واحد بس قدر يدرس اللي بيحبه و ساعتها مش هنبقي بلد شهادات "قال يعني بتشتغل بيها" و اكيد قدام الواحد بيحب اللي بيدرسه و بيشتغله هيبدع فيه ويخلص و يتفاني فيه .

طبعا هتلاقي اللي يقولك تلغي مكتب التنسيق ازاي دي كده هتبقي دكاترة ومهندسين بس ...... مين قال كده خلاص مافيش غير كده في مصر انا ماكنتش نفسي ابقي مهندس انا طول عمري وحلم حياتي اني ادخل computer science و ابقي مبرمج و اني ابقي خريج هندسة عمري مافكرت فيه . 

في الاخير احب اقول سيب كل واحد يعمل اللي يحبه .

خالد سعيد

انهاردة عادي قاعد علي ال facebook بتاعي لقيت صفحة اسمها دعوة للخروج من صفحة كلنا خالد سعيد http://www.facebook.com/da3wa.3ama

دا الlink بتاعها قوات ادخل اشوف ايه اسبابهم وطبعا لقيت اسباب مريبة منهم مثلا الصورة دي علي اساس انه شاب منحرف وبيشرب سجاير و بانجو حتي لو هو بيشرب ودي كانت حياته الشخصية و مش المفروض انه حد يتدخل فيها ...... انه يستاهل انه يموت بالطريق البشعة دي .

او انه اضرب لحد ما مات واصبح كده علي ايدين الشرطة مش موضعنا بقي انه كان بيشرب مخدرات او غيره...... عادي انا بشرب بيرة لو دلوقتي اضريت لحد الموت هيقولوا يستاهل علشان كان بيشرب بيرة ؟؟؟؟

دا شئ غير مقبول بالمرة دا حتي المحكوم عليهم بالاعدام مش شئ ادمي انه يتعمل فيهم كده .

دا طبعا غير اقتباس الصفحة من كلام "الاستاذ الاعلامي الكبييييير توفيق عكاشة " و النتاوي الخطير "احمد سبايضر " الاشخاص اللزجين دول دا غير طبعا الشتيمة في اي حد يقع اسمه تحت اديهم او حتي صورته زي نوارة نجم والدكتور البرادعي "عميل امريكا"و غيرهم من منظمي الفوضي الخلاقة علي راي كابتن احمد سبايضر .

بجد القناة اللي اسمها الفراعين دي بقيت كل ماشوفها بتعصب ودمي يتحرق علشان ازاي شخص زي عكاشة ده يطلع قصاد كاميرا كده دي حاجة مستفزة بطريقة صعبة و الماسونية اللي واكلة عقولهم دي اللي تلاقيه فتح ويكيبيديا وحفظ الكلنتين المكتوبين فيه وقالهم مع انهم مش جداد وانا قرأت الحاجات دي قبل الثورة بكتيييير.

وفي ناس كتييييير معتقدة أن الثورة فامت علشان خالد سعيد يوم 25 لما الناس نزلت طالبت لحقوقها "كرامة... حرية.... عدالة اجتماعية.... عيش" لكن لما النظام نفض وطنش وبعد كده ضرب و موت قرر الناس ان النظام المستبد اللي فضل 30 سنة وكل سنة مصر يتزداد سوء وانحدار في جميع النواحي ان هذا النظام لازم و لابد ان يسقط اما بقي اعضاء صفحات "احنا اسفين يا ريس" و المتصلين بتوع "حرام عاليكوا خربتوا البلد" او "مبارك دا ابونا" احب اقولهم : احنا مستلمينها بايظة بس ناوين نصلحا و مبارك مش ابويا انا ابويا في البيت ولو مش عجيبكوا روحوا ودوا عيش وحلاوة لاخوتكوا في بورتو طرة "جيمي و عيلاء".
                       .
                       .
                       .
                       .
          تحيا الثورة ..... وتحيا مصر      

مش عارف هتكلم عن ايه فهسيبه من غير عنوان

مش عارف اكتب عن ايه علشان كده قررت اكتب لمجرد الكتابة وعلي حسب الموضوع مايخودني او يمكن مش عارف افكر في حاجة علشان الامتحانات و في الفترة دي الواحد تحس ان مخه بيعمل shut down و مش بيرضي يشتغل و أن كل ال data و المذاكرة اللي بتذاكرها مش فاكر منها حرف وانك لو دخلت الامتحان مش هتعرف كلمتين علي بعض.

عادي مش انت لوحدك لو دا بيحصلك ..... انا يوم الامتحان و انا مثلا براجع ورق او كتاب بحس ان بقرأ الحاجات دي لاول مرة طبعا في ناس تقابلهم قبل الامتحان تقلاقيهم ماسكين الورق و تحس انهم مش عارفين ولا كلمة وتيجي بعد الامتحان تلاقيهم بيعيطوا تيجي بقي في النتيجة تلاقيهم هم الناجحين و انا يا عديت من المادة يا ماعديتش D: و تلاقي كل اصحابي مستغربين ازاي انا شلت مواد بما اني الواد اللي بيدخل المحاضرات والكلام دا .

بس يمكن انا بشيل علشان انا بكره الكلية بتاعي مش بطيق المواد بتاعتها او بعض الدكاترة اللي ببقي نفسي يختفوا من الجامعة و يغيروهم تلاقي الواحد فيهم بيقول انا بقالي 40 سنة بدرس انتم اسوأ دفعة عدت عليا ...... طب ماقدام بقالك 40 سنة كفاية عليك كده و ارحمنا بقي اما دكتور ثقيل صح .

انا من النوع اللي بينجح لما يحب الدكتور بتاعه واحد زي دا احبه ازاي دا واحد معقد و يعقد .

"يكفيكم شر الدكاترة اللي شبه" 

ليه تخاريف

تخاريف ليه؟؟؟ علشان ممكن حد يقراهاومتعجبوش ويقول دي تخاريف فدي اسمها علشان ولا انا ازعل ولا هو يزعل D: ..... وبعدين التخاريف مجرد كلام ممكن يعجب وممكن ميعجبش...... ولايقه مع اسم البلوج "تخاريف مواطن" صح؟؟؟

وبعدين واحدة من احسن المسرحيات الي شوفتها وبحب اشوفها مسرحية "تخاريف" لالفنان محمد صبحي في حد مشفهاش ؟؟ المسرحية دي بتموتني من الضحك بجد بالذات الجني اللي بيحققله طلباته وطبعا مش معقول نتكلم عن المسرحية دي من الغير من نتكلم عن شخصية الديكتاتور اللي عملها محمد صبحي الشخصية دي اعتقد انها فعلا مثلت الحكام بتوع مصر هو هذا الديكتاتور اللي عاوز يحكم البلد من غير ماحد يقولو لا ولايكون في معارضة حتي او انه يجي علي شعبه علشان مصلحته ..........علشان كده انا بشكر الثورة اللي خلعت الديكتاتور و بحيي كل الشعوب العربية اللي بتحاول تخلع ديكتاتورها

http://www.youtube.com/watch?v=CBB7LoBeJJk

طبعا ال part دا من المسرحية اكثر من رااااائعة .