اضرااااااب

بداية كدة بس علشان انا بكره الفتي و ان الاضراب دا مخطط من الموساد أو مخطط ماسوني .

الفراعنة اول ناس عملوا اضراب في التاريخ ... يعني الاضراب اختراع مصري صميم .

الاضراب هو اخر وسيلة سلمية علشان كده مش بتتعمل غير في الاوقات السودة اوووي زي اللي احنا فيها دي .

وبعدين يا سيدي الاضراب هيبدأ يوم 11/2 و دا يوم سبت يعني اجازة .. و خد الاحد مرضي كمان و غيب الاتنين يبقي انت كده اهو شاركت في الاضراب .
جالك بتاع نور علشان الفاتورة .. قوله يروح ياخدها من المشير .
هتقولي المشير ماله و مال الفاتورة هقولك المشير و اصحابه ماسكين 40% من اقتصاد مصر .

يعني في الاغلب فلوس الفاتورة هتروح لجيب المشير و أعضاء المجلس العسكري. 




علي فكرة دا مش البرادعي .. دا غاندي . 

نموت حتي قبل انا نقتل

انا عارف أن العنوان تحس انه تقيل اوووي او مبالغ فيه ... بس هي دي الحقيقة .

احنا قبل ما بنموت بيقتلوا فينا الاول الحاجات اللي بتعيشنا .

انا بتكلم عن الناس اللي كل همهم انهم يجيبوا حقهم و حق اللي ماتوا و ان مفيش حد تاني يموت ... بمعني بسيط دول اللي بيحاربوا علشان الكرامة .

لما تبقي في شارع هو عبارة عن دخان القنابل المسيلة للدموع و النار اللي مفروض الثوار بيحاولوا يهدوا بيها تأثير القنابل و الحجارة المتنطورة في الشارع و اصوات الخرطوش ... و بمجرد الخروج من الشارع تعتقد انك عبرت حدود دولة اخري او انتقلت لكوكب اخر .

هي دي حالة مصر تلاقي اجزاء لاتستطيع تفريقها عن شوارع الانتفاضة في فلسطين و اجزاء تانية زي اهدي دولة في العالم .

الثوار بيتقتلوا من نظرات الناس اللي بيلموهم علي حاجات هم ملهومش دخل فيها .

بيتقتلوا من كميات الغاز اللي بتتضرب مرة واحدة ... و اللي بيعيش بتأثيرها اللي معرفوش .

بيتقتلوا من المتخاذلين اللي بيحاولوا يحتفظوا بكراسيهم علي حسابهم .

من الأخر هيفضل مقاتلين الحرية في الشوارع يقاتلوا عشان الحرية ... و لما ينتصروا هينزل الجميع للاحتفال و هم سيداوا جراحاهم .

المجد للشهداء .. و ستظل الدولة مستمرة .